BEILEN – Vrijwilligers van Huus van de Taol bint drok gangs met de veurbereidingen van het neie seizoen van Taal an Taofel.

Op acht zundagen, van september tot an april, kunt bezukers naor streektaolschrievers en -artiesten lustern. In de middagpauze kreg elkenien te eten. En dat is aal keren wat aans, van een 12-uurtje tot stamppot an toe. Taal an Taofel begunt um 11.00 uur en stopt um 14.00 uur. De entree is € 25,00. En daor kriej dan een kop koffie/thee en eterij veur.

Dit jaor is Taal an Taofel in Restaurant-Zalencentrum Wielens in Noord-Slien en in Café-Zaal Zwaneveld in Nörg. Op zundag 14 september is de oftrap in Nörg, waor het publiek lustern kan naor poëzie en verhaolen van Harma de Roo en Johan Veenstra. De meziek die dag is van Sylvia Fledderus. Op 19 oktober kuj naor Noord-Slien. Bezukers kunt daor genieten van poëzie en verhaolen van Anne Doornbos en Toendertied. Martin Hietkamp verzörgt de muziek.

In Noord-Slien is Taal an Taofel op 19 oktober, 14 december, 8 febrewaori en 12 april. Risserveren kan tot de dunderdag derveur via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.  / 06-27518101.

In Nörg is Taal an Taofel op 14 september, 16 november, 17 jannewaori en 15 meert. Risserveren kan tot de dinsdag derveur bij Hennie Bouwman: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken./06-29113653. Kiek veur meer informatie op de agenda van het Huus van de Taol: huusvandetaol.nl/agenda.

drentsnieuws